Viðburðir / Events tag:listfraedi.is,2010-03-15:/viburdir_-_events//4 2010-05-18T23:29:25Z Movable Type Pro 5.01 Aðalfundur Listfræðafélags Íslands tag:listfraedi.is,2010:/viburdir_-_events//4.11 2010-05-18T23:21:58Z 2010-05-18T23:29:25Z Aðalfundur Listfræðafélags Íslands er boðaður 19. maí 2010 kl. 17-19 í húsnæði Sambands íslenskra myndlistamanna við Hafnarstræti 16, 101 RVK. Stjórnina skipa Aðalheiður L. Guðmundsdóttir, formaður, Gunnar J. Árnason, ritari, og Shauna L. Jones, gjaldkeri. Dagskrá aðalfundar er svohljóðandi (í... Gunnar J. Árnason http://listrit.is Aðalfundur Listfræðafélags Íslands er boðaður 19. maí 2010 kl. 17-19
í húsnæði Sambands íslenskra myndlistamanna við Hafnarstræti 16, 101 RVK.
Stjórnina skipa Aðalheiður L. Guðmundsdóttir, formaður, Gunnar J. Árnason, ritari, og Shauna L. Jones, gjaldkeri.

Dagskrá aðalfundar er svohljóðandi (í samræmi við lög félagsins):

- Ársskýrsla stjórnar kynnt og lögð fram til samþykktar.
- Endurskoðaðir ársreikningar félagsins kynntir og lagðir fram til samþykktar.
- Lagabreytingar (ef við á).
- Kjör stjórnar. Kjör tveggja endurskoðenda reikninga.
- Ákvörðun árgjalds fyrir næsta starfsár.
- Önnur mál.

Senn er liðið eitt ár frá stofnfundi Listfræðafélags Íslands þann 19. maí 2009. Starfsemi félagsins fór hægt á stað en örugglega og er nú til orðinn vísir að vettvangi sem við munum vonandi öll móta áfram í góðri samvinnu. Mikilvægt er að sem flest ykkar mæti því félagið þarfnast hugvits ykkar allra til að verða að öflugum vettvangi er styður við listfræði í landinu og hagsmuni félagsmanna. Stjórnin gerir það að tillögu sinni að við gefum okkur tíma til að ræða saman um málefni félagsins á fundinum undir liðnum „önnur mál". Hugmyndir þeirra sem skilning og þekkingu hafa á ákveðnum málefnum sem félagið ætti að beita sér fyrir eru sérstaklega velkomnar.

Stjórnin mun í upphafi kynna störf félagsins á síðastliðnu ári. Félagið er formlega skráð og með kennitölu. Félagið á bankareikning í Arionbanka en hefur haft nánast ekkert fjármagn til umráða þar sem árgjald var ekki rukkað. Opnuð hefur verið heimasíða félagsins og er slóðin www.listfraedi.is. Lög félagsins verða lögð fram til samþykktar á aðalfundi, en smávægilegar formbreytingar þurfti að gera á lögunum til að félagið fengist skráð. Á aðalfundi verður félagaskrá stofnfélaga staðfest og nýir meðlimir samþykktir inn í félagið. Taka þarf ákvörðun um félagsgjald, fyrir komandi starfsár.

Stjórnin félagsins hvetur sem flesta til að taka þátt í starfi félagsins. Á aðalfundi verður rædd sú tillaga stjórnar að félagið skipi í nefndir til að vinna að brýnum málefnum. Þörf er á ritnefnd til að vinna að heimasíðu félagsins og útgáfu fagrits á sviði listfræða. Taka þarf kjör listfræðinga til skoðunar og í því skyni mætti skipa kjaranefnd til að skoða hvernig bæta megi kjör þeirra. Auk þess þarf að vinna að því að tengja félagsmenn við starfsemi sambærilegra félaga erlendis, ráðstefnur, háskóla, útgáfur o.s.frv. Frekari tillögur eru vel þegnar enda mikilvægt að við vinnum í sameiningu að því að móta farveg fyrir starfsemi félagsins. Þeir sem vilja leiða félagið áfram og sitja í stjórn Listfræðafélagsins næsta ár eru hvattir til að bjóða sig fram til starfa.

Á vormánuðum hefur listfræðafélagið staðið fyrir málþingum sem hafa gengið framar vonum, en um eða yfir hundrað manns hafa mætt á hvert þing. Næsta málþing verður í Þjóðminjasafni Íslands 26. maí í tengslum við Listahátíð í Reykjavík. Á þingingu verður fjallað um myndlist og ljósmyndir. Á haustmánuðum verða svo málþing í samvinnu við Hönnunarsafn Íslands og annað um listrými í borg í samvinnu við arkitekta og byggingarlistarfræðinga. Málþingin hafa fengið góðan hljómgrunn, en þeim var ætlað að virkja sem flesta á vettvangi listfræða og endurspegla þá miklu breidd sem sviðið spannar.
]]> SÝNINGARSTJÓRNUN - LIST EÐA FRÆÐI? tag:listfraedi.is,2010:/viburdir_-_events//4.10 2010-04-14T14:38:34Z 2010-04-14T14:41:40Z Málþing í Listasafni Reykjavíkur, Hafnarhúsi við Tryggvagötu, miðvikudaginn 14. apríl kl. 17.00 til 19.00Á þriðja málþingi Listfræðafélagsins á vormánuðum verður áhersla lögð á sýningarstjórnun. Frummælendur munu varpa ljósi á ýmsar hliðar þess starfs og velta fyrir sér mörkum listar og... Gunnar J. Árnason http://listrit.is Málþing í Listasafni Reykjavíkur, Hafnarhúsi við Tryggvagötu, miðvikudaginn 14. apríl kl. 17.00 til 19.00

Á þriðja málþingi Listfræðafélagsins á vormánuðum verður áhersla lögð á sýningarstjórnun. Frummælendur munu varpa ljósi á ýmsar hliðar þess starfs og velta fyrir sér mörkum listar og fræða, túlkunar og miðlunar sem í því felast. Rætt verður um breytingar sem orðið hafa á hlutverki sýningarstjóra, mismunandi starfsvettvang og nálganir. Sérstaklega verður gætt að sýningarstjórn í íslensku samhengi, væntingum, þörfum og möguleikum þessa vettvangs, en líka tekist á við fræðileg viðfangsefni fagsins. Hver er ábyrgð sýningarstjóra gagnvart myndlist og listasögu? Hver er staðan þegar kemur að varðveislu og rannsóknum á íslenskri sýningasögu? Frummælendur munu hver á fætur öðrum halda stutt og skorinort erindi og í kjölfarið verður boðið upp á fyrirspurnir og samræður. Fundarstjóri verður Hanna Styrmisdóttir sýningarstjóri og þingið verður haldið í Listasafni Reykjavíkur, Hafnarhúsi við Tryggvagötu, miðvikudaginn 14. apríl 2010  kl. 17.00 til 19.00. 

Frummælendur: 
Hafþór Yngvason, listfræðingur og forstöðumaður Listasafns Reykjavíkur 
Birta Guðjónsdóttir, sýningarstjóri og stjórnarformaður Nýlistasafnsins
Aðalsteinn Ingólfsson listfræðingur
Ólöf K. Sigurðardóttir, listfræðingur og forstöðumaður Hafnarborgar, menningar- og listamiðstöðvar Hafnafjarðar
Markús Þór Andrésson, sjálfstætt starfandi sýningarstjóri
]]> Túlkun myndlistar á líðandi stund tag:listfraedi.is,2010:/viburdir_-_events//4.8 2010-03-29T22:50:49Z 2010-03-29T23:19:53Z Gunnar J. Árnason http://listrit.is
Veigamikill þáttur í starfi þeirra sem skrifa um myndlist er að fjalla um verk listamanna og sýningar í samtíðinni, að segja frá og greina myndlistina um leið og hún kemur fyrst fyrir almenningssjónir. Undir það starf falla textar í sýningarskrám og umfjöllun í tímaritum, dagblöðum, útvarpi og öðrum fjölmiðlum. Þetta er viðfangsefni annars málþingsins í málþingaröð Listfræðafélagsins nú í vor og hefur það fengið yfirskriftina Á mörkum listfræða og myndlistar: Túlkun myndlistar á líðandi stundu.

Í skrifum listfræðinga og gagnrýnenda í sýningarskrám og fjölmiðlum felst samræða við lesendur og listamenn um það sem listamenn, gallerí og söfn láta frá sér á hverjum tíma. Þar er ekki hægt að byggja á viðbrögðum listaheimsins eða því hvernig verkin fá á sig merkingu og skýrast í sögulegu samhengi en þó er það einmitt tilgangur skrifanna að greina merkingu verkanna, túlka þau og setja í samhengi við bæði söguna og líðandi stund. Þeir sem leggja slík skrif fyrir sig taka þannig nokkra áhættu líkt og listamennirnir sjálfir þegar þeir láta frá sér ný verk: Textinn þarf að miðla tilgangi og inntaki verkanna en jafnframt að meta nýmæli og gildi þeirra fyrir myndlistina og menninguna í víðara samhengi. Hvort sem um er að ræða gagnrýni eins og í dagblöðum eða ítarlegri greiningu eins og í sýningarskrám vakna af slíkum skrifum ýmsar áhugaverðar spurningar um samband fræða og listar, ábyrgð höfundar gagnvart listamönnum og lesendum sínum og aðferðirnar sem beita þarf til að túlka listaverk í samtímanum.

Frummælendur á þessu málþingi verða:
Jón Proppé, listheimspekingur og gagnrýnandi
Margrét Elísabet Guðmundsdóttir, fagurfræðingur og gagnrýnandi
Ólafur Gíslason, listfræðingur og gagnrýnandi
Oddný Eir Ævarsdóttir, safnaheimspekingur og rithöfundur
Þóra Þórisdóttir, myndlistarkona og gagnrýnandi.

Nýlistasafnið er samstarfsaðili Listfræðafélagsins að þessu sinni, ásamt Kynningarmiðstöð íslenskrar myndlistar.

]]> Málþing um listfræðirannsóknir tag:listfraedi.is,2010:/viburdir_-_events//4.6 2010-03-17T17:00:00Z 2010-03-15T19:50:33Z Málþing um listfræðirannsóknir verður haldið miðvikudaginn 17. mars milli 17 og 19 í Listasafni Íslands.... Hlynur Helgason ]]>